Quen somos?

Engaiolarte  naceu en 2014 e desde entón fomos especializándonos en dous  tipos de edición.

Primeiramente os libros pensados para as idades máis temperás, nas que promover o afecto e a cercanía aos libros e á lingua son fundamentais. Con coleccións como os libros para Barrigolas ou Toca-Toca, demos os primeiros pasos, e seguimos avanzando, sempre procurando títulos coidadosamente traballados, que ademais de divertir axudan ao desenvolvemento psicomotriz das crianzas.

Noutras liñas editoriais traballamos co libro gráfico e literario. Estreámonos con Lugo, a cidade dos tesouros encantados e nesa andaina ensarilláronse títulos como O ouro de Ourense, Carballo, derrubando muros con pintura, Palacios, Gómez Román e outros arquitectos ou O Porriño, historia e patrimonio cultural

Satisfainos ter encetado a Biblioteca Xohana Torres, na que publicaremos toda a súa obra completa.  Arrincamos, orientados pola man xenerosa de Xohana Torres, coa edición do seu derradeiro libro, Elexías a Lola. Hoxe seguen saíndo novos libros, que rescatan tamén obras apenas difundidas, nos xéneros do teatro e do ensaio. 

Co entusiasmo de Xosé Ramón Iglesias Veiga e Quico Paz Antón, puxemos en marcha a edición dos debuxos inéditos do arquitecto Antonio Palacios.

E en colaboración con Aira Editorial, agasallamos á cultura galega o hercúleo traballo de Xabier Rodríguez Baixeras, Dicionario da Comida Galega.

Guíanos na aventura o lema que nos agasallou Xohana Torres:

«Engaiolarte. Arte na xaula, alegría das alas, ¡Poesía libre!»