Descripción
Xohana Torres está considerada pola comunidade literaria galega como unha das súas máis importantes escritoras contemporáneas. Permaneceu creativa até o fin, como amosa este poemario, Elexías a Lola, publicado despois de moitos anos de silencio editorial. Aquí recolle un dos seus textos emblemáticos, a lembranza apaixoada da súa avoa Lola, e vísteo con novos poemas dando lugar a un libro independente que, nas súas palabras, é unha “homenaxe a todas as avoas galegas”.
PRENSA
Ana Romaní entrevista en Diario Cultural a Xan Carballa e Xosé Luís Méndez Ferrín, que explican a importancia da reedición do teatro de Xohana Torres e por que era un fito persoal importante para a autora.
Destacan tamén a perdurabilidade temática das súas obras máis de 50 anos despois da súa creación.
Marilar Aleixandre escrebe no Diario Nós sobre a Biblioteca Xohana Torres creada por Engaiolarte e a importancia de manter a obra viva.
Presentación na Libraría Couceiro de Santiago do libro de Xohana Torres, “Elexías a Lola”. Intervencións de Carme Vidal e Ana Romaní. (19 de Outubro de 2016)
